Rumıniyanın paytaxtı Buxarestdə keçirilən yeniyetmələr arasında X Avropa birinciliyi davam edir. Apasport.az saytının məlumatına görə, Azərbaycan millisinin heyətində bu gün körpücük üzərinə çıxan Kamran Beskov (77 kq) B qrupunda qüvvəsini sınayıb.
Birdən qaldırma hərəkətində həmyerlimiz ilk sifariş verdiyi 102 kq çəkini yalnız ikinci yanaşmada qaldıra bilib. Daha sonrakı çəkini 107 kq-ı isə Beskov ram edə bilməyib və bu hərəkətdə 4-cü olub.

Təkanla qaldırma hərəkətində daha yaxşı çıxış edən atletimiz ilk yanaşmasında 130 kq-ı qaldırıb. Sonrakı 2 yanaşmada 135 kq-lıq çəkinin öhdəsindən gələ bilməyib. Ancaq bu nəticə Kamranın həm bu hərəkətdə, həm də toplamda 245 kq-la (105 kq + 130 kq) 3-cü yeri tutması ilə nəticələnib.

Təmsilçimizin ümumi sıralamadakı yeri A qrupundakı yarışlar bitəndən sonra məlum olacaq.

Qeyd edək ki, Avropa birinciliyində millimizin aktivində hələlik 1 qızıl medal var.

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi