Slovakiyanın Koşitse şəhərində keçiriləcək ağır atletika üzrə yeniyetmələr arasında dünya birinciliyinə yollanacaq Azərbaycan millisinin heyəti açıqlanıb. Ağır Atletika Federasiyasından apasport.az saytına verilən məlumata görə, sentyabrın 16-23-də baş tutacaq yarışda əsasən Avropa çempionatında uğurlu nəticə əldə edən idmançılarımıza şans veriləcək.

Yeniyetmələrdən ibarət yığmamızın baş məşqçisi Asif Məmmədov mundialda da Valeh Baxşalızadə (50 kq), Həsən Həsənov, Kənan Əliquliyev (hər ikisi 62 kq), Elxan Əliqulizadə, Ceyhun Tağızadə (hər ikisi 69 kq), Dadaş Dadaşbəyli (85 kq), Azər Məmmədliyə (+ 94 kq) şans verəcək. O, ehtiyat idmançı kimi Rüstəm İmanzadəni (56 kq) düşərgəyə çağırıb.

Çempionatda Azərbaycanı hakim qismində Vahid Nəzərov təmsil edəcək.

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi