Slovakiyanın Koşitse şəhərində keçirilən yeniyetmələr arasında 3-cü dünya çempionatında növbəti yarış günü arxada qalıb. Apasport.az saytının məlumatına görə, idmançılarımızdan körpücük üzərinə Dadaş Dadaşbəyli çıxıb. O, 85 kq çəki dərəcəsində “B” qrupunda mübarizə aparıb.

Dadaş birdənqaldırmaya 115 kq-ı qaldırmaqla uğurla başlayıb. Ancaq sonrakı 121 kq-lıq çəkini o, iki yanaşmada ram edə bilməyib və bu hərəkətdə 5-ci yeri tutub.

Təkanla qaldırma əvvəlcə 140 kq, sonra isə 145 kq-ı qaldıran Dadaşbəyli, son yanaşmasında 150 kq-la güc gələ bilməyib. Nəticədə o həm bu hərəkətdə, həm də 260 kq-la (115 kq + 145 kq) toplamda 5-ci yeri tutub.

Mənbə: aaaf.az

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi