Azərbaycan milli komandasının 2014-cü il dünya çempionatının seçmə mərhələsində rəqibi olan Portuqaliya yığmasının heyəti açıqlanıb. Apasport.az saytının məlumatına görə, baş məşqçi Paulu Bentu oktyabrın 12-də Rusiya, 16-da Şimali İrlandiya ilə oyunlara 23 futbolçu çağırıb. O, millimizlə matça açıqladığı heyətdən 5 futbolçuya dəvət göndərməyib. Bunlar Rikardo Koşta (“Valensiya”), Karluş Martinş (“Benfika”) Nunu Andre Koelyu (“Braqa”) Manuel Fernandes (“Beşiktaş”, Türkiyə) və Vareladır (“Porto”).

Maraqlıdır ki, sonuncu portuqaliyalıları məhz yığmamızla oyunda xilas etmişdi. Belə ki, Varela 2-ci hissədə meydana daxil olandan az sonra qol vuraraq hesabı açmış və bununla da komandasının 3:0-lıq qələbəsinin təməlini qoymuşdu.


Qapıçılar: Eduardo (“İstanbul” BB, Türkiyə), Betu (“Braga”), Rui Patrisiu (“Sportinq”);

Müdafiəçilər: Joau Pereyra (“Valensiya”, İspaniya), Bruno Alveş (“Zenit”, Rusiya), Migel Lopes (“Porto”), Fabio Koentrao, Pepe (hər ikisi “Real”, İspaniya), Serenu (“Valyadolid, İspaniya), Luiş Netu (“Syena”, İtaliya)

Yarımmüdafiəçilər: Raul Meyreleş (“Fənərbaxça”, Türkiyə), Migel Velozo (“Dinamo”, Ukrayna), Nani (“Mançester Yunayted”, İngiltərə), Joao Moutinyo (“Porto”), Manuel Fernandes (“Beşiktaş”, Türkiyə), Kustodio, Ruben Mikael, Ruben Amorim (hamısı “Braga”);

Hücumçular: Kriştiano Ronaldo (“Real”, İspaniya), Eder (“Braqa”), Pitsi, Nelson Oliveyra (hər ikisi “Deportivo”, İspaniya), Elder Poştiqa (“Saraqosa", İspaniya).

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi