Rusiya yığmasının futbolçusu Pavel Porqebnyak çağırılmadığı Portuqaliya və Azərbaycan milliləri ilə rəsmi oyunları dəyərləndirmək istəməyib. Apasport.az saytının məlumatına görə, hücumçu cari mövsümdən oynadığı “Ridinq”in heyətində İngiltərə Premyer Liqasında qolları sıralasa da, Rusiya yığmasının italiyalı baş məşqçisi Fabio Kapellonu onu rəsmi matçlara çağırmağı lazım bilmir.

Buna görə küskün olan Pavel yığmasının qarşıdakı oyunları haqda fikrini bildirəndə, bunu nümayiş etdirib: “Portuqaliya və Azərbaycanla oyunlar haqda heç nə fikirləşmirəm. Qoy məşqçilərimiz düşünsünlər. Ancaq əlbəttə ki, futbolçularımıza uğurlar arzulayıram”.

Qeyd edək ki, ruslar Portuqaliyanı oktyabrın 12-də, millimizi 16-da “Lujniki”də qəbul edəcək.

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi