“Yəqin ki, yığmamızın Portuqaliya və Azərbaycanla oyunlarına çağırılacağımı gözləyirdim. Hərçənd zədədən sonra cəmi 3 oyun keçirmişdim. Buna görə millidən bu dəvət dəyərlidir”. Apasport.az saytının məlumatına görə, bu fikirləri Rusiya yığmasının futbolçusu Dmitri Tarasov deyib. “Lokomotiv”in yarımmüdafiəçisi millisindən 2010-cu ilin oktyabrında Azərbaycan yığması ilə Bakıdakı rəsmi oyununa olduğu kimi dəvət alıb.

Ancaq bu dəfə hollandiyalı Qus Hiddink yox, italiyalı baş məşqçisi Fabio Kapellodan 2014-cü il dünya çempionatının seçmə mərhələsi çərçivəsində Moskvadakı matça dəvət alan Tarasova xoş xəbəri həyat yoldaşı çatdırıb: “Dəvət olunduğumu yığmadan mənə heç kim deməmişdi. Həyat yoldaşım məşqdən sonra telefon nömrəmi yığaraq, hər şeyi danışdı. Fikirləşirsiniz ki, çağırışım yanlış xəbərdir? Yox, mən həyat yoldaşıma etibar edirəm”.

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi