DÇ-2014-ün seçmə qrup mərhələsində Azərbaycan yığması ilə oyundan sonra Rusiya yığmasının hücumçusu Aleksandr Kokorin jurnalistlərin suallarını cavablandırıb. Apasport.az saytının məlumatına görə, Moskva “Dinamo”sunun futbolçusu milimizin qələbə qazanmaq şansının olmadığını deyib.

- Rəqibin qol vurmaq şansı olmadı. Çünki bütün komanda ilə müdafiəyə çəkilmişdilər. Bu səbəbdən bizim üçün oynamaq çox çətin idi.

- Fasilədə Fabio Kapello komandadan nə tələb etdi?
- 2-ci hissəni ilk yarının son 20 dəqiqəsindəki kimi oynamağı tapşırdı.

- Qol vurmaq üçün bir neçə şansınız oldu. Fərqlənməyinizə nə mane oldu: bəxtsizlik?
- Ola bilsin elədi. Amma yəqin ki, hardasa ustalıq səviyyəsi yetərincə deyil.

- Hansı komanda ilə oynamaq çətin idi: Portuqaliya, yoxsa Azərbaycanla?
- Əlbəttə Azərbaycanla. Çünki bu komanda müdafiə olunmaqdan başqa heç nə etmədi.

- Cərimə meydançasında 2 dəfə Eşenkoya qarşı qayda pozuntusu olsa da, hakimin fiti susdu...
- Biz buna o qədər də fikir vermirdik. Amma sözsüz ki, 2 mübahisəli andan sonra hakim 3-cü dəfə penalti təyin etməli idi. Belə də etdi.

• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi