Avstraliyada təşkil edilən tennis üzrə Hopman kubokunun qalibi müəyyənləşib. Apasport.az saytının məlumatına görə, finalda İspaniya ilə Serbiya qarşılaşıb. Görüş Priney yarımadası təmsilçilərinin qələbəsi ilə başa çatıb.

Fernando Verdasko – Anabel Medina Qarriqes cütlüyü Novak Cokoviç - Ana İvanoviç cütlüyünü məğlub etməyi bacarıb. Əvvəlcə təkbətək mübarizədə Cokoviç Verdaskonu 2:0 hesabı ilə üstələyib. Daha sonra İvanoviç üzərində 2:1 hesabı ilə qələbə qazanan Qarriqes ümumi hesaba tarazlıq gətirib. İkili qarşılaşmada isə ispaniyalı tennisçilər daha yaxşı oyun nümayiş etdirərək görüşü 2:0 hesabı ilə xeyrinə tamamlayıb – 6:4, 7:5.

Qeyd edək ki, Hopman kuboku 1989-cu ildən keçirilir. Bu turnirin sonuncu qalibi isə Çexiya millisi olub. Onlar həlledici mərhələdə Fransa yığmasını məğlub edib.

• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!