Martın ortalarında Milli Olimpiya Komitəsinin (MOK) hesabat-seçki Baş Məclisi keçiriləcək. Bu haqda Lent.az-a qurumun baş katibi Ağacan Abiyev məlumat verib.

O bildirib ki, toplantıda ötən olimpiya tsiklində görülmüş işlərin hesabatı veriləcək. Bununla əlaqədar, bütün olimpiya növləri üzrə federasiyalar da müvafiq konfranslar keçirərək, bu barədə MOK-u məlumatlandırmalıdır. Eyni zamanda MOK-un İcraiyyə Komitəsi üzvlərinin tərkibində dəyişiklik və ya əlavələr ediləcək: “Ola bilər ki, komitə üzvlərindən kimsə istefa versin və yeni olimpiya çempionları üzv qəbul olunsun”.

Bundan əlavə, konfransda 2015-ci ildə Bakıda təşkil olunacaq I Avropa Oyunlarına hazırlıq məqsədilə İşçi Qrup yaradılacaq.

• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!