“Azərbaycan və İsraillə qarşılaşmalar bizim üçün çox vacibdir. Həmin oyunlar dünya çempionatının final mərhələsinə vəsiqə baxımından böyük əhəmiyyət kəsb edir”. Apasport.az saytının məlumatına görə, bu sözləri Portuqaliya yığmasının futbolçusu Vitorino Antuneş deyib.

İspaniyanın “Malaqa” klubunda çıxış edən 26 yaşlı müdafiəçi DÇ-2014-ün seçmə mərhələsi çərçivəsində martın 22-də İsrail, 4 gün sonra Azərbaycanla səfərdə baş tutacaq qarşılaşmalara çağırılıb.

O, indi daha çox Çempionlar Liqasında 1/8 final mərhələsinin səfər matçını düşündüyünü açıqlayıb: “Baş məşqçimiz Paulu Bentunun ilkin siyahısında yer aldığım üçün çox şadam. Məni səfərə çıxacaq heyətdə saxlaması baxımında narahatçılıq keçirmirəm. İndi “Malaqa”dakı işlərimi düşünürəm. İndi “Porto” ilə matçı fikirləşməliyəm”.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib