Milli komandamızın martın 22-də Lüksemburqla görüşünü idarə edəcək Padrayq Sattonun kimliyinə aydınlıq gəlib. Apasport.az saytının məlumatına görə, 1977-ci ilin avqustun 24-də İrlandiyada doğulan Satton 2011-ci ildən beynəlxalq oyunlara təyinat almağa başlayıb.

Bu üzdən hazırda UEFA-nın 3-cü kateqoriyalı hakimi olan Satton cəmi 8 beynəlxalq oyun keçirib. İngilislər tərəfindən adı “Patrik” kimi tanınan referinin təyinat aldığı ilk beynəlxaq görüşü 2011-ci ilin martın 24-nə təsadüf edib. Həmin vaxt o, İsveçrə və Ukraynanın U-17-lərinin Avropa çempionatının elit mərhələdəki görüşünü idarə edib.

İrlandiyalı hakim əsas yığmaların iştirakı ilə keçirilən oyunlara 2-ci dəfə təyinat alır. Onun ilk belə idarəçiliyi ötən ay baş tutub. Onda Satton millimizin qrupdakı rəqibi olan İsrailin Finlandiya ilə yoldaşlıq görüşündə (2:1) hakimlik edib. 8 oyunda 2 qırmızı vərəqə göstərən 36 yaşlı referi 3 dəfə də qapılara penalti təyin edib.

Qeyd edək ki, Satton nə Lüksemburq, nə də ölkəmizin təmsilçilərinin iştirakı ilə görüşlərdə heç vaxt fit sahibi olmayıb.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib