Sərbəst güləş üzrə Azərbaycan millisinin baş məşqçisi Saypulla Absaidovun apasport.az saytının Tiflisə ezam olunmuş əməkdaşına müsahibəsi

- Sabah Avropa çempionatına start veriləcək. Komandanı yarışa tam hazır hesab etmək olarmı?
- Bəli, yığmanın hər bir üzvü çempionata hazırdır. Yarış öncəsi təlim-məşq toplanışlarımız yüksək səviyyədə keçib və onlar özlərini burada doğrultmalıdırlar.

- Heyətdə Olimpiya çempionlarımız – Toğrul Əsgərovla Şərif Şərifovun olmaması nə ilə bağlıdır?
- Bu dəfə onlara istirahət vermişik. Yeni Olimpiya tsiklində Avropa çempionatı ilk yarışdır. Biz London Olimpiadasından uğurlu nəticə ilə dönmüşük. Tiflisə də yaxşı komanda ilə gəlmişik. Avropa çempionatında Xetaq Qazyumov (96 kq) və Cəmaləddin Məhəmmədov (120 kq) istisna olmaqla, gənclərə şans yer vermişik. Bu onları sınamaq baxımından gözəl şansdır. Fikrimcə, heyətdəki hər bir güləşçi yaxşı nəticə ilə ümidləri doğruldacaq.

- Həmin güləşçilər arasında hansıları fərqləndirirdiz?
- Mən komandanın hər bir üzvündən uğur gözləyirəm. Ancaq Hacı Əliyevlə (60 kq) Aleksandr Qostiyevə (74 kq) ümidlər daha böyükdür. İnanıram ki, onlar yarışda özlərini yaxşı tərəfdən göstərə biləcəklər.

- Bəs ümumilikdə komandadan təxminən neçə medal gözləyirsiz?
- Mən inanıram ki, 3-4 medal qazanacağıq. Ancaq bunun neçəsinin qızıl olacağını dəqiq deyə bilməyəcəm.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib