Mayın 20-də Rusiyanın paytaxtı Moskvada Beynəlxalq Ağırlıqqaldırma Federasiyasının (İWF) Konqresi keçiriləcək. Lent.az-ın məlumatına görə, iki gün davam edəcək toplantıda növbəti 4 il müddətinə qurumun prezidenti, baş katibi, vitse-prezidentləri, İcraiyyə Komitəsinin və digər komitələrin üzvləri seçiləcək.

Vitse-prezident və İcraiyyə Komitəsi üzvlüyünə namizədlər arasında Azərbaycan Ağır Atletika Federasiyasının (AAAF) I vitse-prezidenti, gənclər və idman nazirinin müavini İsmayıl İsmayılov da var. Vitse-prezidentliyə 5 yerə ümumilikdə 23 şəxs iddialıdır. İsmayılovun rəqiblərindən biri Ermənistan təmsilçisi Jurik Sarkisyandır.

Digər namizədlər isə Türkiyə, Hindistan, Almaniya, Kamerun, Argentina, ABŞ, Avstraliya, Malayziya, İspaniya, Rusiya, İraq, İsveç, Çexiya, Bolqarıstan, Slovakiya, Peru, BƏƏ, Qazaxıstan, Rumıniya və Tailanddandır. Həmyerlimiz vitse-prezident seçilə bilməsə, İWF-nin sıravi üzvü ola bilər. Bunun üçün o, ümumilikdə 44 namizəd arasından “8-liy”ə girməyi bacarmalıdır.

Qeyd edək ki, İWF prezidenti postu uğrunda qurumun hazırkı başçısı Tamaş Ayandan əlavə, 5 namizəd də var. Baş katib vəzifəsi uğrunda 4, I vitse-prezidentliyə isə 11 namizəd var.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib