Ağırlıqqaldırma üzrə Azərbaycan millisi Avropa çempionatını 2-ci yerdə başa vurub. Apasport.az saytının məlumatına görə, Albaniyanın paytaxtı Tiranada keçirilən yarışda 5 medal qazanan komandamız yalnız Rusiyadan geri qalıb.

Belə ki, yarışda 2 qızıl, 2 gümüş və 1 bürünc medal qazanan yığmamız şimal qonşularımızdan başqa bütün rəqiblərini arxada qoyub. Rusiyalılar çempionatı 7 qızıl, 2 gümüş və 1 bürünc medalla başa vurub. Millimizin ən yaxın izləyicisi Ukraynanın isə 2 qızıl və 2 bürünc medala seviniblər.

Qeyd edək ki, atletlərimizdən Valentin Xristov (62 kq), İntiqam Zairov (94 kq) qızıl, Silviya Angelova (48 kq), Sərdar Həsənov (69 kq) gümüş və Zülfüqar Süleymanov (62 kq) bürünc medala yiyələnib.

• Sərbəst Piramida bilyard üzrə ölkə çempionatı keçiriləcək
• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib