Lüksemburq yığmasının əsas müdafiəçisi millimizə qarşı oynamayacaq

17.04.2013 - 09:13

Lüksemburq yığmasının əsas müdafiəçisi olan Tom Şnell ciddi zədələnib. Apasport.az-ın wort.lu saytına istinadən verdiyi xəbərə görə, “Fola”nın futbolçusu Lüksemburq çempionatının bazar günü baş tutmuş Kanax “Jeness”i ilə oyununda ciddi xəsarət alıb.

27 yaşlı futbolçu 1:1 hesabı ilə başa çatan görüşün 75-ci dəqiqəsində zədələnib. Oyundan sonra məlum olub ki, onun sol dizində xaçvarı bağlar qırılıb və uzun müddətə -9 aylığa sıradan çıxıb. Bu isə o deməkdir ki, Şnell iyunun 7-də Bakıda keçiriləcək DÇ-2014-ün seçmə mərhələsində millimizə qarşı forma geyməyəcək.

Qeyd edək ki, Şnell martın 22-də Lüksemburqun yığmamızla baş tutan ilk oyununda 90 dəqiqə meydanda olmuşdu.