Belçika millisi DÇ-2018-də unikal nailiyyətə imza atıb. Apasport.az saytının məlumatına görə, “qırmızı şeytanlar” 1/8 final mərhələsinin Yaponiya ilə qarşılaşmasında 2 top fərqini aradan qaldırıb.

Belçikalılar 0:2 hesabı ilə geridə olduğu matçı qələbə ilə başa vurmağa nail olub. 3:2 hesabı ilə qalib gələn Roberto Martinesin yetirmələri son 52 ildə mundialda belə əzmkarlıq göstərən ilk komanda olub.

Belə ki, DÇ-lərdə oyunun əsas vaxtında 2 top fərqini aradan qaldıraraq qalib gələn sonuncu komanda 1966-cı ildə bunu rəsmiləşdirib. Həmin vaxt Portuqaliya KXDR-la qarşılaşmada 5:3 hesabı ilə qalib gəlmişdi.

Düzdü, DÇ-1970-də də bənzər hadisə yaşanıb. Həmin vaxt Almaniya İngiltərəni 3:2 hesabı ilə yenib. Lakin Belçika və Portuqaliyadan fərqli Bundestim əsas vaxtda hesabı bərabərləşdirib (2:2), qələbə qolunu isə əlavə olunmuş yarım saatda vurub.

• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb