Oktyabrın 16-da Xorvatiyanın Dubrovnik şəhərində start götürmüş cüdo üzrə Avropa kuboku yarışı başa çatıb. 

Apasport.az saytının məlumatına görə, Azərbaycan cüdoçuları mötəbər yarışda əzmlə mübarizə apararaq 2 medala sahib olublar. 

İdmançılarımızdan 90 kiloqram çəki dərəcəsində çıxış edən Rüfət İsmayılov yalnız həlledici final görüşündə məğlub olub və nüfuzlu turnirin gümüş medalına sahib çıxıb. Məhərrəm İmamverdiyev (81 kq) isə yarışı üçüncü pillədə başa vurub.

Qeyd edək ki, Azərbaycanın 11 idmançı ilə qatıldığı  mötəbər yarışda 26 ölkədən 300-ə yaxın cüdoçu mübarizə aparıb.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək