Azərbaycan Tokio-2020 XVI Yay Paralimpiya Oyunlarına 5-ci lisenziya qazanıb.

APA-nın məlumatına görə, bu uğura paraatlet Kamil Əliyev nail olub.

Belə ki, Birləşmiş Ərəb Əmirliklərinin Dubay şəhərində paraatletika üzrə dünya çempionatının ilk günündə təmsilçimiz uzunluğa tullanmada (T12) 7,00 m nəticə göstərib. Mundialda üçüncü yerə çıxan K. Əliyev Tokio-2020 XVI Yay Paralimpiya Oyunlarına da lisenziyasını rəsmiləşdirib.

Dünya çempionatı noyabrın 15-ə qədər davam edəcək. Növbəti günlərdə digər idmançılarımız da yarışlara qatılacaqlar.

Qeyd edək ki, K. Əliyevdən öncə Kamran Zeynalov, Yelena Taranova (hər ikisi paraatıcı), Elşən Hüseynov (parapauerliftinq) və Roman Saley (paraüzgüçü) də Tokio-2020-yə lisenziyaya yiyələniblər.

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub