Azərbaycan tarixində ilk və ya Tokioda yenilməzlərimiz

Azərbaycan tarixində ilk və ya Tokioda yenilməzlərimiz - LAYİHƏ

06.09.2021 - 13:25

Uşaq və gənclərin fiziki və mənəvi inkişafı istiqaməti üzrə

Tokio-2020 Yay Paralimpiya Oyunları başa çatıb.

Apasport.az saytının məlumatına görə, Azərbaycan idmançıları Yaponiya paytaxtında uğurla çıxış edib.

Ötən il keçirilməli olan, lakin koronavirus pandemiyası üzündən təxirə salınan Oyunlar millimizin tarixinə ən uğurlu yarış kimi düşüb. Atletlərimiz 36 idmançı ilə yollandığı Tokioda bunun yarısı qədər – 18 medal əldə edib.

Hərçənd bu 36 nəfərdən ikisi yarışda iştirak edə bilməyib. Buna təmsilçilərimizin koronavirus testinin müsbət nəticə verməsi səbəb olub.

Azərbaycan medal sıralamasına görə Paralimpiadada 10-cu yeri tutub. İndiyədək komandamız ən yaxşı halda 27-ci yerdə qərarlaşmışdı.

Dünyada 10-cu olan Azərbaycan Avropada 6-cı sırada qərarlaşıb. “Köhnə qitə”nin yalnız 5 ölkəsi daha yüksək sıralarda yer alıb.

Yığmamız postsovet məkanında isə 3-cü yeri tutub. Yalnız Rusiya və Ukrayna daha öndə qərarlaşmağı bacarıb.

Meydan sahibi Yaponiyanı arxada qoymağın nə dərəcədə böyük uğur olduğu aydındır. Almaniya, İran və Fransa kimi idman nəhəngləri də yığmamıza aşağıdan yuxarı baxmağa məcburdur.

yer	ölkə	Q	G	B	C
1	Çin	96	60	51	207
2	Böyük Britaniya	41	38	45	124
3	ABŞ	37	36	31	104
4	Rusiya PK	36	33	49	118
5	Niderland	25	17	17	59
6	Ukrayna	24	47	27	98
7	Braziliya	22	20	30	72
8	Avstraliya	21	29	30	80
9	İtaliya	14	29	26	69
10	Azərbaycan	14	1	4	19
11	Yaponiya	13	15	23	51
12	Almaniya	13	12	18	43
13	İran	12	11	1	24
14	Fransa	11	15	28	54
15	İspaniya	9	15	12	36
16	Özbəkistan	8	5	6	19
17	Polşa	7	6	12	25
18	Macarıstan	7	5	4	16
19	İsveçrə	7	4	3	14
20	Meksika	7	2	13	22
21	Yeni Zelandiya	6	3	3	12
22	İsrail	6	2	1	9
23	Kanada	5	10	6	21
24	Hindistan	5	8	6	19
25	Tailand	5	5	8	18
26	Slovakiya	5	2	4	11
27	Belarus	5	1	1	7
28	Tunis	4	5	2	11
29	Əlcəzair	4	4	4	12
30	Mərakeş	4	4	3	11
31	Belçika	4	3	8	15
32	İrlandiya	4	2	1	7
33	Nigeriya	4	1	5	10
34	CAR	4	1	2	7
35	Kuba	4	1	1	6
36	İordaniya	4	0	1	5
37	Kolumbiya	3	7	14	24
38	Venesuela	3	2	2	7
39	Malayziya	3	2	0	5
40	Danimarka	3	1	1	5
41	Cənubi Koreya	2	10	12	24
42	Türkiyə	2	4	9	15
43	İndoneziya	2	3	4	9
44	Çexiya	2	3	3	8
45	Çili	2	3	1	6
45	Serbiya	2	3	1	6
47	Norveç	2	0	2	4
48	Sinqapur	2	0	0	2
49	Avstriya	1	5	3	9
50	İsveç	1	5	2	8
51	Yunanıstan	1	3	7	11
52	Finlandiya	1	3	1	5
52	Qazaxıstan	1	3	1	5
54	BƏƏ	1	1	1	3
55	Kosta Rika	1	1	0	2
56	Ekvador	1	0	2	3
57	Kipr	1	0	1	2
57	Şri-Lanka	1	0	1	2
59	Həbəşistan	1	0	0	1
	Monqolustan	1	0	0	1
	Pakistan	1	0	0	1
	Peru	1	0	0	1
63	Argentina	0	5	4	9
64	Misir	0	5	2	7
65	Xorvatiya	0	3	4	7
66	Latviya	0	3	2	5
67	Gürcüstan	0	3	0	3
68	Honq Konq	0	2	3	5
69	Bolqarıstan	0	2	0	2
70	İraq	0	1	2	3
71	Küveyt	0	1	1	2
	Namibiya	0	1	1	2
	Rumıniya	0	1	1	2
	Sloveniya	0	1	1	2
75	Vyetnam	0	1	0	1
76	Litva	0	0	3	3
77	Portuqaliya	0	0	2	2
78	Bosniya və Herseqovina	0	0	1	1
	Çin Taypeyi	0	0	1	1
	Salvador	0	0	1	1
	Keniya	0	0	1	1
	Monteneqro	0	0	1	1
	Oman	0	0	1	1
	Qətər	0	0	1	1
	Səudiyyə Ərəbistanı	0	0	1	1
	Uqanda	0	0	1	1
Cəmi		539	540	589	1668

Bu mütləq rekord isə ölkəmizdə idmana diqqət və qayğının nəticəsidir. Azərbaycanda təkcə Olimpiya Hərəkatı deyil, paralimpiayaçıların inkişafı yönündə də düzgün işlər aparılır.

Sağlamlıq baxımından əngəlli idmançılara da bu qayğıdan kənar qalmır. Onların hazırlıq və toplanışları üçün şəraitin yaradılması bu nəticələrin qazanılmasında əvəzsiz rol oynayıb.

Qarabağ müharibəsi qazilərinin də heyətində yer aldığı yığmamızın üzvləri bu yarış sayəsində özlərini dünya idmanının bir parçası hiss edib. Onlar burada sadəcə bir parça deyil, lider imicini nümayiş etdirməyə də müvəffəq olublar.

Tokioya yollanarkən “Yenilməzlər zəfərə doğru” şüarını seçən paralimpiyaçılar bunu yarış meydanlarında da gerçəkləşdiriblər. Təmsilçilərimiz Yaponiyaya turist kimi deyil, zəfər üçün getdiklərini müxtəlif idman növlərində sübuta yetirib.

Atlantadan Rioya qədər olan 6 Paralimpiadada 8 çempionluq yaşayan paraidmançılarımız təkcə Tokioda az qala ikiqat artığına nail olub. 14 qızıl medal əldə edən təmsilçilərimiz ümumi mükafat sayında da rekorda imza atıb.

Paralimpiyaçılarımız 27-ci olduğumuz London-2012-də 12 dəfə fəxri kürsüyə qalxmışdı. Bu rəqəmi 50 faiz artıma nail olan yığmamız “Gündoğar ölkə”də 19 mükafata yiyələnib.

Tokio-2020 üzgücü Roman Saley üçün uğurlu alınıb. Milliləşən legioner üç qızıl medal qazanıb.

Cüdoda Şəhanə Hacıyeva, Vüqar Şirinli, Sevda Vəliyeva, Xanım Hüseynova, Hüseyn Rəhimli, Dürsədəf Kərimova, atletikada Həmid Heydəri, Elvin Astanov, Lamiyə Vəliyeva, Orxan Aslanov, üzgüçülükdə Vəli İsrafilov hamını qabaqlayaraq qızıl medal alıb. Lamiyə aktivinə gümüş medal da yazdırıb.

Pauerliftinqdə Pərvin Məmmədov, cüdoda Namiq Abaslı, İlham Zəkiyev, atletikada Səid Nəcəfzadə bürünc medala sevinib.

Tokio-2020 həm də rekordlarla əlamətdar olub. Həmid Heydəri nizə atmaqda 51,42 m, Elvin Astanov nüvə itələmədə 8,77 m nəticə ilə dünya rekordunu yeniləyib.

Vəli İsrafilov 100 m brassla üzməkdə 1.04,86, Lamiyə Vəliyeva 400 m qaçmaqda 55,00 nəticə ilə Paralimpiya rekorduna imza atıb.

yarış	İ	Q	G	B	C	yer
Atlanta-1996	2	0	0	0	0	-
Sidney-2000	7	0	1	0	1	60
Afina-2004	9	2	1	1	4	45
Pekin-2008	18	2	3	5	10	38
London-2012	21	4	5	3	12	27
Rio-2016	25	1	8	2	11	48
Tokio-2020	36	14	1	4	18	10
Cəmi	-	22	19	15	56	49