Sabah Bəhreyn milli komandası ilə yoldaşlıq oyunu keçirəcək Azərbaycan yığması daha bir itki ilə üzləşib.

APA-nın məlumatına görə, bu barədə xəbəri millinin baş məşqçisi Nikola Yurçeviç verib.

O bildirib ki, “Qarabağ”ın futbolçusu Qara Qarayev də xəsarət alıb. Yarımmüdafiəçinin zədəsi ilə bağlı durumu tam aydın olmasa da, Bəhreynlə qarşılaşmanı buraxmaq ehtimalı yüksəkdir. Bu problem futbolçunun AVRO-2020-nin Macarıstanla səfərdəki seçmə oyunundakı iştirakını da sual altına qoyur.

Qeyd edək ki, Anton Krivotsyuk, Maksim Medvedev və Dmitri Nazarov cəza səbəbindən seçmə oyunu buraxacaq. Bu üzdən onlar yoldaşlıq görüşünə də aparılmayıb. Mahir Emreli və Səlahət Ağayev isə son turda zədələnərək heyətdən çıxarılıb.

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub