Dekabrın 6-da Rusiyanın paytaxtı Moskvada taekvondo üzrə Qran-pri turnirinin final mərhələsi start götürəcək. 

Apasport.az saytının məlumatına görə, 2 gün davam edəcək yarışda Azərbaycan yığması 3 idmançı ilə təmsil olunacaq. 

Təmsilçilərimizdən Cavad Ağayev (68 kq), Milad Beiqi Harçreqani (80 kq) və Radik İsayev (+80 kq) dayanq üzərinə çıxacaqlar. 42 ölkədən 128 idmançının qatılacağı yarışlar Moskvanın “Dinamo” İdman Sarayında baş tutacaq.

Komandamız səfərə Azərbaycan Taekvondo Federasiyasının vitse-prezidentləri Nağı Səfərov və Niyaməddin Paşayevin rəhbərliyi altında yollanacaq. Komandamız dekabrın 8-də vətənə dönəcək.

Qeyd edək ki, dünyanın reytinqli 16 kişi və qadın taekvondoçuların mübarizə aparacağı final mərhələsinin mükafatçıları reytinqlərinə müvafiq olaraq, 80, 48 və 28,8 xal əlavə edəcəklər.
 

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib