Misirdə bədii gimnastika üzrə “Egyptian Pharaohs cup” adlı beynəlxalq turnir keçirilib.

Azərbaycan Gimnastika Federasiyasından apasport.az saytına verilən məlumata görə, yarışda çıxış edən idmançılarımız ölkəmizi uğurla təmsil ediblər. 

Turnirdə Arzu Cəlilova böyüklər arasında, Alina Məmmədova gənclər yaş qrupunda, Məryəm Əliyeva, Gövhər İbrahimova və Aydan Rəhimova isə yeniyetmələr arasında çıxış edib.

Arzu topla nümayiş etdirdiyi proqramına görə bürünc medal qazanıb.

Yeniyetmələrin yarışlarında A qrupunda çıxış edən Gövhər və Məryəm 2 proqram üzrə qalib olublar. Gövhər gürzlərlə, Məryəm isə topla hərəkətlərdə həmyaşıdlarından fərqlənərək 1-ci olub.

Qızlar çoxnövçülükdə və halqa ilə çıxışlarına görə də fəxri kürsüyə yüksəliblər. Hər iki proqram üzrə Gövhər gümüş, Məryəm isə bürünc medala layiq görülüb.

Yeniyetmələrin yarışlarında B qrupunda çıxış edən Aydan isə yarışdığı hər 3 proqramda (çoxnövçülük, alətsiz və halqa) ilk pillədə qərarlaşıb.

Beləliklə, komandamız yarışı 5 qızıl, 2 gümüş və 3 bürünc medalla başa vurub.
 

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək