Sentyabrın 18-dən 27-dək Tailandın Pattaya şəhərində ağırlıqqaldırma üzrə keçiriləcək dünya çempionatında Azərbaycan idmançılarımın körpücük üzərinə çıxacaqları vaxt dəqiqləşib. 

APA-nın məlumatına görə, yığmanın heyətində mübarizəyə öncə Səbinə Əzimova qoşulacaq. 

55 kq çəki dərəcəsində qüvvəsini sınayacaq atlet C qrupunda sentyabrın 19-da podiuma çıxacaq. Ondan 2 gün sonra Boyanka Kostova (59 kq) hansı gücdə olduğunu nümayiş etdirəcək. O, A qrupunda yer alacaq. 

Millinin heyətində son olaraq Nailxan Nəbiyev yarışa qoşulacaq. 96 kq-da qüvvəsini sınayacaq idmançı D qrupunun iştirakçıları sırasına daxil edilib. 

Qeyd edək ki, dünya çempionatında 105 ölkədən 734 atlet (395 kişi və 339 qadın) körpücük üzərinə çıxacaq. 

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib