Fransalı şahmatçı Mark Andriya Mauritsi dünyanın ən gənc qrossmeysterləri siyahısına daxil olub.

Apasport.az saytının məlumatına görə, bu ada 14 yaş 5 günlüyündə layiq görülən şahmatçı Fransa rekorduna imza atıb.

O, 1997-ci ildə rekord vuran Etyen Bakronu arxada qoyub.

Yeniyetmə qrossmeyster həm də dünya şahmat tarixində 13-cü nəticəyə imza atıb. Mautitsi Azərbaycan rekordçusu Teymur Rəcəbovu da mövqeyindən sıxışdırıb.

Qrossmeyster adını 14 yaş 14 günlüyündə qazanan Teymur 14-cü sıraya yuvarlanıb. Ukraynalı Ruslan Ponomaryov isə 15-ci sıraya enib.

Qeyd edək ki, tarixin ən gənc qrossmeysteri Sergey Karyakindir. Ukraynalı buna 12 yaş 7 aylığında nail olub. Hazırkı dünya çempionu Maqnus Karlsen siyahıda 7-cidir. Norveçli 13 yaş 4 ay 27 günlüyündə bunu reallaşdırıb.
 

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək