Azərbaycan gimnastı Mixail Malkin Yaponiyanın paytaxtı Tokioda keçiriləcək batut gimnastikası, tamblinq və ikili mini-batut üzrə dünya çempionatında iştirak edə bilməyəcək. 

APA-ya bu barədə məlumatı Azərbaycan Gimnastika Federasiyasından veriblər. 

Avropa çempionunun noyabrın 28-dən dekabrın 1-dək olacaq mundialı buraxmasında səbəb zədələnməsidir. M. Malkin oktyabrın 5-6-da İpaniyanın Valyadolid şəhərində keçirilən batut gimnastikası, tamblinq və ikili mini-batut üzrə Dünya Kubokunda sıradan çıxıb. Tamlinqçi final hərəkətlərini icra edərkən zədə alıb və yarışları dayandırmaq məcburiyyətində qalıb.

Qeyd edək ki, analoji yarışda İlya Qrişunin, Oleq Piunov və Ruslan  Ağamirov da mübarizə aparıb. Lakin onlar çıxışları zamanı yol verdikləri səhvlərə görə final mərhələsinə adlaya bilməyiblər.

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub