Ukraynanın paytaxtı Kiyevdə bədii gimnastika üzrə Avropa çempionatı davam edir.

Apasport.az saytının məlumatına görə, yarışın ilk medal dəstləri ikinci yarış günündə sahiblərini tapıb.

Azərbaycan gimnastları günü iki medalla başa vurub. Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokinadan ibarət qrup komandamız ikinci olub. Bir gün öncə 5 topla çıxış edən gimnastlarımız bu dəfə 3 həlqə və 2 gürzlə bacarığını nümayiş etdirib. İki proqramın cəmində 66,300 xal toplayan yığmamız çöxnövçülükdə gümüş medala yiyələnib. Meydan sahiblərini qabaqlayan təmsilçimiz yalnız İsraildən geri qalıb.

Qrup hərəkətlərinin nəticələri həm də komanda yarışlarında hesaba alınıb. Burada yeniyetmələrin təsnifat yarışları da toplanıb. Yekunda Azərbaycan millisi 3-cü yerin sahibi kimi bürünc medal qazanıb. Ukrayna qızıl, İsrail gümüşə sahib çıxıb.

Qeyd edək ki, Avropa çempionatına noyabrın 29-da yekun vurulacaq.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək