Xorvatiyanın paytaxtı Zaqrebdə keçirilən cüdo üzrə Qran-Pri davam edir.

Apasport.az saytının məlumatına görə, yarışa iki idmançı ilə qatılan Azərbaycan millisinin ilk təmsilçisi turnirin ikinci günündə tatami üzərinə çıxıb.

Hidayət Heydərov (73 kq) 1/16 finalda Yonatan Elbaz (İsrail), 1/8 finalda Petru Pelivan (Moldova), 1/4 finalda isə Aleksandru Raykuya (Rumıniya) qalib gəlib. O, yarımfinalda Maxmadbek Maxmadbekovu (Rusiya) məğlub edib.

Hidayət finalda Viktor Sterpu ilə üz-üzə gəlib. Cüdoçumuz Moldovadan olan rəqibini də üstələyərək qızıl medal qazanıb.

Qeyd edək ki, ikinci təmsilçimiz Məmmədəli Mehdiyev (90 kq) sabah mübarizəyə qoşulacaq.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək