Rusiyanın paytaxtı Moskvada keçirilən fiqurlu konkisürmə üzrə Qran-Pri yarışında kişilərin mübarizəsinə yekun vurulub.

Apasport.az saytının məlumatına görə, iştirakçılar bu gün sərbəst proqramda çıxış edib.

Azərbaycan idmançısı Vladimir Litvintsev də buz üzərinə çıxıb. Onun çıxışı 158,28 xalla qiymətləndirilib.

İki çıxışın yekununda konkisürənimiz 239,78 xal toplayıb. Litvintsev bu göstərici ilə yalnız iki rəqibini qabaqlayaraq 12 iştirakçı arasında 10-cu olub. Yarışın qalibi adına rusiyalı Mixail Kolyada layiq görülüb – 281,89 xal.

Qeyd edək ki, Qran-Pridəki digər təmsilçimiz Yekaterina Ryabova bu gün sərbəst proqramda bacarığını göstərəcək.
 

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək