İsveçrənin Lozanna şəhərində keçirilən Yeniyetmələrin III Qış Olimpiya Oyunları davam edir.

Apasport.az saytının məlumatına görə, bu gün qadın fiqurlu konkisürənlərin fərdi yarışları başa çatıb.

İdmançılar sərbəst proqramı yerinə yetiriblər. Olimpiadadakı yeganə Azərbaycan təmsilçisi Yekaterina Ryabova 110,07 xal toplayıb. İdmançımız texniki elementlərə görə 56,14, proqramın ifasında görə 53,93 qiymət alıb. Bu nəticə ilə milliləşdirilmiş legioner sərbəst proqramda 8-ci olub.

İki çıxışın cəmində 169,37 xal toplayan konkisürənimiz yekunda da 8-ci olub. Qısa proqramdan sonra 9-cu olan Y.Ryabova 1 pillə irəliləyib.

Yarışın qalibi adına isə cənubi koreyalı Yonq Yu layiq görülüb – 214,00. Rusiyalılar Kseniya Sinişina (200,03) 2-ci, Anna Frolova (187,72) 3-cü olub.

Qeyd edək ki, idmançımız sabah keçiriləcək komanda yarışlarında da qüvvəsini sınayacaq.
 

• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib