Kanadanın Monreal şəhərində keçiriləcək fiqurlu konkisürmə üzrə dünya çempionatının iştirakçılarının siyahısı açıqlanıb.

Apasport.az saytının məlumatına görə, martın 16-22-də təşkil olunacaq yarışda Azərbaycan yığması iki idmançı ilə təmsil olunacaq.

Vladimir Litvintsev kişilərin, Yekaterina Ryabova qadınların yarışında qüvvəsini sınayacaq. Hər iki idmançı martın 2-8-də keçiriləcək gənclərin dünya çempionatında çıxış etdikdən sonra böyüklərin yarışında mübarizə aparacaq.

Beynəlxalq Konkisürmə İttifaqı (İSU) Monrealdakı mundialın koronavirus səbəbindən baş tutmaması ehtimalına da aydınlıq gətirib. Qurumun vitse-prezidenti Aleksandr Lakernik bildirib ki, hazırda turnirin keçirilməsi üçün təhlükə yoxdur: “Koronavirusla bağlı vəziyyət dünya çempionatının Monrealda keçirilməsi üçün hələlik təhlükə kəsb etmir”.

• Bakıda yanğınsöndürmə və xilasetmə üzrə dünya çempionatının açılış mərasimi keçirilib
• Bakıda yanğınsöndürmə və xilasetmə üzrə dünya çempionatının açılış mərasimi keçirilib
• Azərbaycanlı qardaşlar Antalyada Mental Arifmetika Olimpiadasının qalibi olublar
• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək