AVRO-2020-nin D qrupunda II tura yekun vurulub.

Apasport.az saytının məlumatına görə, günün son qarşılaşmasında Britaniya derbisi baş tutub.

“Uembli” stadionunda keçirilən görüşdə əzəli rəqiblər İngiltərə ilə Şotlandiya üz-üzə gəliblər. Birinci turda Xorvatiyanı üstələyən Qaret Sautqeytin yetirmələri bu uğuru təkrarlamaqla 1/8 hədəfini reallaşdırmaq əzmində idi. Çexiyaya uduzan şotlandlar isə turnirdə ilk xallarını qazanmaq istəyirdi.

İngiltərə yığmasının cüzi üstünlüyü şəraitində keçən matçın birinci hissəsində qapılara yol tapmaq mümkün olmayıb. Fasilədən sonra daha maraqlı mübarizə gedib. Qarşılıqlı hücumlara baxmayaraq, komandalar yenə tablodakı sıfırları dəyişə bilməyib. Nəticədə Şotlandiya qitə birinciliyində ilk xalını əldə edib. 

Qeyd edək ki, qrupun Xorvatiya – Çexiya oyunu 1:1 hesabı ilə başa çatıb.

AVRO-2020
II tur, 18 iyun
D qrupu
20:00. İngiltərə – Şotlandiya – 0:0
Baş hakim: Antonio Mateu Lahoz (İspaniya)
London. “Uembli” stadionu

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar