Yanvarın 10-da Çilinin paytaxtı Santyaqoda Karate1 Seriya A turniri start götürəcək. 

Apasport.az saytının məlumatına görə, 3 gün davam edəcək yarışda Azərbaycan yığması da qüvvəsini sınayacaq. 

Yeni ildə mövsümün ilk turnirində komandamız 1 idmançı ilə təmsil olunacaq. A Seriyasında millinin lideri İrina Zaretska (68 kq) qüvvəsini sınayacaq. Dünya və Olimpiya reytinqinin birincisi olan karateçini Cənubi Amerikada qadınlardan ibarət komandanın baş məşqçisi Denis Morozov müşayiət edəcək.

Dünya Karate Federasiyasının (WKF) bu nüfuzlu turnirinə 65 ölkədən 466 karateçi qatılacaq. Yarışın hər mərhələsi idmançılara olimpiya reytinq xalları qazandıracaq.

• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib