Fransa millisinin AVRO-2020-dəki uğursuz çıxışının pərdə arxası səbəbləri müəyyənləşib.

Apasport.az saytının “Equipe” nəşrinə istinadən məlumatına görə, bütün problemlər komandanın hücumçularından qaynaqlanıb.

Birinci amil kimi Antuan Qrizmannla Kilian Mbappe arasında yaşanan gərginlik göstərilib. Bildirilib ki, Qrizmannın komanda daxilində hörməti və liderlik xüsusiyyəti Mbappeni qısqandırır. Məhz bu üzdən gənc forvard oyunlar zamanı da komanda yoldaşını kölgədə saxlamaq üçün fərdi oynamağa çalışıb.

Digər səbəb isə Kərim Benzemanın 6 ildən sonra milliyə qaytarılmasıdır. Sən demə, “Real”ın forvardının çağırılması baş məşqçi Didye Deşamın planında olmayıb. Lakin Fransa prezidenti Emmanuel Makronun tələbi çalışdırıcını buna məcbur edib və Deşam son anda sistemini dəyişməli olub.

Qeyd edək ki, Fransa millisi 1/8 final mərhələsində İsveçrəyə oyunsonrası penaltilərlə məğlub olaraq AVRO-2020 ilə vidalaşıb.
 

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək