Azərbaycanın peşəkar boksçusu Məhəmmədrəsul Məcidovun növbəti döyüşünün vaxtı və rəqibi bəlli olub. 

APA-nın məlumatına görə, həvəskarlar arasında üçqat dünya çempionu peşəkar rinqdə ikinci görüşünü noyabrın 30-da keçirəcək. 

İlk qarşılaşmasında amerikalı Ed Fonteynə nokautla qalib gələn boksçu bu dəfə Tom Littli sınağa çəkəcək. 32 yaşlı böyük britanıyalı ilə superağır çəkidəki döyüş Monakoda baş tutacaq. 

Peşəkar boksa 2011-ci ildən başlayan T. Littl indiyədək 17 döyüş keçirib. 3-ü nokautla olmaqla, 10 qələbə qazanan böyük britaniyalı 7 dəfə məğlub olub. Bunların 4-də isə nokauta düşüb. Ümumiyyətlə, iki ildir qələbə qazanmayan boksçu son 3 döyüşündə erkən məğlubiyyətlə üzləşib.  

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib