Almaniyalı sabiq “Formula-1” pilotu Mixael Şumaxer müalicə aldığı İsveçrədən Parisə aparılıb.

APA xəbər verir ki, bu barədə “BFM” telekanalı məlumat yayıb.

Bildirilir ki, M. Şumaxer Parisin cənubunda yerləşən Jorja Pompidou adına xəstəxanaya yerləşdirilib. Əfsanəvi idmançının müalicəsi professor Filipp Menaşe tərəfindən aparılır.

Xatırladaq ki, 2013-cü ilin dekabrında M.Şumaxer Meribeldə dağ xizəyi sürərkən yıxılaraq ağır yaralanıb. Nəticədə pilot beyninin hər iki yarımkürəsinin zədələləri və qanaxması ilə müşayiət olunan kəllə beyin travması  alıb. 2014-cü ilin sentyabr ayından etibarən Şumaxer Cenevrə gölünün sahilində yerləşən İsveçrə villasında səhhətini bərpa etməyə çalışır.

• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ