Bu gün şahmat üzrə Çempionlar Turunun “Oslo Esports Cup” mərhələsinin yarışları start götürəcək.

Apasport.az saytının məlumatına görə, turnirdə Azərbaycanı Şəhriyar Məmmədyarov təmsil edəcək. 

Şahmatçımızla yanaşı, yarışa hazırkı dünya çempionu, norveçli Maqnus Karlsen, Yan Kşiştov Duda (Polşa), Niderland təmsilçiləri Aniş Giri, Yorden Van Forrest, Hindistan şahmatçısı Praqnanandha Rameşbabu, vyetnamlı Le Quanq Liyem, kanadalı Erik Hansen iştirak edəcək.

Reqlamentə əsasən hər turda iştirakçılar rapid üzrə (15 dəqiqə +10 saniyə) 4 partiyadan ibarət matçda mübarizə aparacaqlar. İştirakçılar hər gün yalnız 1 rəqiblə qarşılaşacaq. İlk turda Şəhriyar Məmmədyarovun rəqibi vyetnamlı Le Quanq Liyem olacaq. 
Turnir aprelin 28-dək davam edəcək.
 

• Kamandan oxatma üzrə Bakı çempionatı keçiriləcək
• Üç azərbaycanlı atlet “Alufar IRONMAN 70.3 Baku” triatlon yarışının qalibi olub
• Xorvatiyalı triatlonçu: “Bu, inanılmaz emosiyadır”
• “IRONMAN 70.3 Baku”: Finişə ilk çatan idmançı müəyyənləşib - FOTO
• Bakıda keçirilən “IRONMAN 70.3” triatlon yarışına start verilib