İki ölkənin ağırlıqqaldırma yığması Tokio-2020 Yay Olimpiya Oyunlarına buraxılmayacaq.

Apasport.az saytının məlumatına görə, bunlar Tailand və Malayziya milli komandalarıdır.

Bu barədə qərarı Beynəlxalq Ağırlıqqaldırma Federasiyasının (İWF) tərkibindəki Müstəqil Federasiyalara Sanksiyalar Qrupu (UMFSP) verib. Dopinqlə bağlı çoxsaylı pozuntulara görə verilən bu qərara əsasən, hər iki ölkənin atletləri 2021-ci ilin Olimpiadasında iştirak hüququnu itirib.

Həmçinin, Tailandın quruma üzvlüyü 3 illik – 2023-cü il aprelin 1-dək dayandırılıb. Bu ölkənin rəsmiləri 2 il müddətinə yarışlardan kənarlaşdırılıb. İdmançılar isə 11 ay heç bir beynəlxalq yarışda iştirak edə bilməyəcək.

Malayziya idmançıları 5 aylıq diskvalifikasiya edilib, federasiyanın İWF üzvlüyü 1 illik dayandırılıb. Lakin hər iki Asiya təmsilçisi apelyasiya vermək hüququna malikdir.
 

• Bakıda yanğınsöndürmə və xilasetmə üzrə dünya çempionatının açılış mərasimi keçirilib
• Bakıda yanğınsöndürmə və xilasetmə üzrə dünya çempionatının açılış mərasimi keçirilib
• Azərbaycanlı qardaşlar Antalyada Mental Arifmetika Olimpiadasının qalibi olublar
• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək