2020-ci ildə keçiriləcək Yay Olimpiya Oyunlarının atletika yarışlarının proqramında olan marafon və idman yerişinin marşrutu dəqiqləşib.

Apasport.az saytının məlumatına görə, Beynəlxalq Olimpiya Komitəsinin (BOK) xüsusi komissiyasının qərarı ilə Yaponiyanın paytaxtı Tokiodan Sapporo şəhərinə keçirilən bu iki yarışın dəqiq yeri ilə bağlı suallara aydınlıq gəlib.

Bu növlər üzrə yarışlar Odori şəhər parkında başlayacaq və eyni məkanda da başa çatacaq. Oyunların təşkilat komitəsi şəhər rəhbərliyi ilə birlikdə marşrutu tam müəyyənləşdirib.

Bu, BOK-un İcraiyyə Komitəsinin dekabrdakı iclasında təsdiqlənməlidir.

Qeyd edək ki, marafon və idman yerişinin Tokiodan Sapporoya keçirilməsi Olimpiya Oyunları vaxtı paytaxtda istilərin gözlənilməsi ilə bağlıdır.
 

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub