Brisbendə keçiriləcək Yay Olimpiya Oyunlarının proqramına yeni idman növü daxil edilə bilər.

Apasport.az saytının məlumatına görə, Avstraliyadakı yarışlar netbolun debütü ilə əlamətdar olması mümkündür.

Avstraliya Netbol Federasiyası bu idman növünün proqrama daxil edilməsi üçün rəsmi müraciət edəcək. “Yaşıl qitə” təmsilçiləri dünyanın 80 ölkəsində 20 milyondan çox adamın bu idman növü ilə məşğul olmasını əsas gətirir.

Qeyd edək ki, netbol basketbola bənzər idman növüdür. Əsasən qadınların oynadığı bu növdə topla hərəkət etmək qadağandır və hər idmançı topu səbətə ata bilməz. Hər komandada 7 nəfər yer alır.
 

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar