FİDE yeni ilin ilk reytinq cədvəlini açıqlayıb. 

Apasport.az saytının məlumatına görə, yanvar üçün müəyyənləşən siyahıda Azərbaycanın 8 şahmatçısı yer alıb.
 
Onlardan 5-i kişi qrossmeysterdir. Milli üzvlərindən ən yaxşı göstərici yenə Şəhriyar Məmmədyarova məxsusdur. 2770 xala malik 35 yaşlı qrossmeyster ötən ayla müqayisədə 1 pillə geriləyib və 8-ci yerə enib. 

Teymur Rəcəbov da komanda yoldaşı kimi mövqeyini əldən verib. O, 2765 xalla 10-cu pilləni 11-ə dəyişib. 

6 pillə irəliləyərək, 71-ci yerə qalxan Nicat Abasov 2668 xala malikdir. Digər milli üzvü Qədir Hüseynov (2666) 3 rəqibini özündən irəli buraxmaqla, 74-cü yerdədir. Rauf Məmmədov (2659) isə "100-lüy"də 85-cidir. O, 4 pillə irəliləyib.  

Bu siyahıda Maqnus Karlsen (Norveç, 2872) birinci, Fabiano Karuana (ABŞ, 2822) ikinci, Dinq Liren (Çin, 2805) üçüncüdür. 

Qadınlar şahmatçılar arasında isə 3 təmsilçimiz yer alıb. Yığma üzvlərindən Günay Məmmədzadə (2455) 28-ci, Gülnar Məmmədova (2386) 77-ci və Ülviyyə Fətəliyeva (2387) 87-ci pillədədir. 

Qadın zəka sahiblərinin cədvəlində Yifan Hou (Çin, 2664) birincidir.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib