AVRO-2020-nin seçmə mərhələsinin son turunda Azərbaycan yığması ilə qarşılaşacaq Slovakiya millisinin heyətində dəyişiklik edilib.

Apasport.az saytının məlumatına görə, baş məşqçi Pavel Hapal “Jilina”nın qapıçısı Dominik Holeki komandaya dəvət edib. 

Yeni qapıçı komandayla ilk məşqini də keçib. O, yığmada Dominik Qreyfi əvəzləyib.

Sonuncu sağlamlığındakı problemlər üzündən məşqlərdən azad olunub. Qapıçı çiynində ağrılar hiss edib. Tibbi müayinə ciddi problem olmadığını göstərsə də, məşqçilər korpusu risk etməmək üçün qapıçıya istirahəti zəruri sayıb. Onu heyətdən kənarlaşdırmağı düzgün hesab etməyən baş məşqçi qolkiperin yığmanın düşərgəsində istirahətinə qərar verib.

Qeyd edək ki, “Slovan”ın qapıçısı olan D.Qreyf yığmada əsasən ehtiyatda qalır.
 

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub