Boks üzrə Avropa Olimpiya Təsnifat Turnirinin tarixi dəqiqləşib.

Apasport.az saytının məlumatına görə, yarış iyunun 4-18-də keçiriləcək.

Turnirin harada keçiriləcəyi hələ dəqiqləşməyib. Bu məsələyə martın 1-dək aydınlıq gələcək.

Yarışın Skandinaviya və ya Baltikyanı ölkələrdən birində təşkil olunacağı gözlənilir. Turnir bir il əvvəl Londonda dayandırıldığı yerdən davam etdiriləcək.

Dünya Olimpiya Təsnifat Turniri isə ləğv edilib. Bu yarışdan Tokio-2020 Yay Olimpiya Oyunlarına qazanılacaq lisenziyaların sahibləri reytinqə əsasən müəyyənləşəcək. Bu bölgünün necə və hansı meyarlarla aparılacağı yaxın gələcəkdə açıqlanacaq.

Qeyd edək ki, 2020-ci il martın 14-də Böyük Britaniyanın paytaxtından başlayan Avropa Olimpiya Təsnifat Turniri üç gündən sonra koronavirus pandemiyası səbəbindən dayandırılıb.
 

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək