Koronavirus pandemiyası üzündən təxirə salınan Tokio-2020 Yay Olimpiya Oyunlarının keçiriləcəyi tarix bu həftə dəqiqləşə bilər.

Apasport.az saytının məlumatına görə, bunu Olimpiadanın Təşkilat Komitəsinin sədri Yosiro Mori açıqlayıb.

O bildirib ki, 2021-ci ilə təxirə salınan yarışın tarixini Beynəlxalq Olimpiya Komitəsinin prezidenti Tomas Baxla bu həftə keçiriləcək telefon danışığı zamanı müzakirə edəcək: “Baxdan yeni tarixlə bağlı təkliflər gözləyirəm. Olimpiadanın keçirilmə vaxtını müəyyənləşdirmək üçün bu variantları birgə müzakirə edəcəyik”.

Qeyd edək ki, bu il iyulun 24-dən avqustun 9-dək keçirilməli olan Tokio-2020 gələn ilə təxirə salınıb. Yarışın 2021-ci il iyulun 23-dən avqustun 8-dək keçirilməsi gözlənilir.
 

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək