AVRO-2020-də qrup mərhələsinin oyunları davam edir.

Apasport.az saytının məlumatına görə, D qrupunda II tura start verilib.

İlk görüş Qlazqoda baş tutub. Birinci oyununda Şotlandiya üzərində qələbə qazanan Çexiya son dünya çempionatının finalçısı Xorvatiya ilə münasibətlərinə aydınlıq gətirib. Qitə birinciliyinə İngiltərə önündə məğlubiyyətlə başlayan xorvatlar bu dəfə mütləq qələbə qazanmalı idi.

Bərabər səviyyədə keçən birinci hissədə 1 qol vurulub. Patrik Şik özünə qarşı kobudluğa görə təyin olunan penaltini qola çevirib. Bununla AVRO-2020-də qollarının sayını 3-ə yüksəldən 25 yaşlı forvard bombardirlər yarışında birinci pilləyə yüksəlib.

İkinci hissəyə sürətli başlayan xorvatlar tezliklə status-kvonu bərpa ediblər. İvan Perişiçin yaxın məsafədən zərbəsi qarşısında qapıçı aciz qalıb. Zlatko Daliçin yetirmələri qalan dəqiqələrdə nə qədər çalışsa da, qələbə topunu vura bilməyib. Xorvatlar bununla ilk xalını qazandısa, Çexiya xal ehtiyatını 4-ə yüksəldib.

Qeyd edək ki, qrupun İngiltərə - Şotlandiya matçı 23:00-da başlayacaq.

AVRO-2020
II tur, 18 iyun
D qrupu
20:00. Xorvatiya – Çexiya – 1:1
İvan Perişiç, 47 - Patrik Şik, 37
Baş hakim: Karlos del Serro Qrande (İspaniya)
Qlazqo. “Hempden Park” stadionu

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar