AFFA-nın əməkdaşları Gürcüstanın paytaxtı Tbilisidə UEFA-nın üzv assosiasiya nümayəndələrinin iştirakı ilə “UEFA-nın Klubların Lisenziyalaşdırılması və Maliyyə Dayanıqlığı” mövzusunda seminara qatılıblar.

Apasport.az AFFA-nın rəsmi saytına istinadən xəbər verir ki, tədbirdə qurumun Klubların Lisenziyalaşdırılması Departamentinin əməkdaşları iştirak ediblər.

Seminar zamanı aşağıdakı mövzular müzakirə olunub:

• Növbəti mövsümdən etibarən klublara UEFA tərəfindən ödənilən həmrəylik ödəmələrinin lisenziyalaşdırma qaydalarında əks olunması və bu qaydalara uyğun idarə olunması;

• Gürcüstanda lisenziyalaşdırma sisteminin və infrastruktur layihələrinin inkişafı;

• Müxtəlif ölkələrdə lisenziyalaşdırma prosesi çərçivəsində klubların uşaq akademiyalarında monitorinq və yoxlamaların təşkili;

• Klubların Lisenziyalaşdırılması və Maliyyə Dayanıqlığı qaydalarında yeniliklər;

• Cari mövsümdən etibarən tətbiq edilən yeni hüquqi meyarın müzakirəsi və tətbiqi (klubların əmtəə nişanları, tarixi və idman nailiyyətləri);

• Bir neçə klubun eyni sahibkarlıqda olması ilə bağlı məsələlər;

• Lisenziar olan milli assosiasiyaların sertifikasiyası;

• UEFA-nın Lisenziyalaşdırma üzrə illik hesabatı;

• UEFA-nın milli assosiasiyalar arasında təcrübə mübadiləsi proqramı və s.

• UEFA-nın "Hat-Trick" proqramı çərçivəsində keçirilən futzal yarışı başa çatıb
• “İlk Azərbaycan Kubokunun qalibi olaraq adımızı tarixə yazdırdıq”
• XXXI turun təyinatları bəlli oldu
• Azərbaycan futbolunda həlledici qərar: Premyer Liqa pley-offunda limit olmayacaq
• "CBC Sport" yarımfinal matçını niyə yayımlamayıb? - RƏSMİ BƏYANAT