Azərbaycan Milli Antidopinq Agentliyi (AMADA) yeni cəlb olunmuş dopinq nəzarəti inspektorları (DNİ) üçün təlim təşkil edib.

Apasport.az xəbər verir ki, AMADA-nın əməkdaşları tərəfindən keçirilən dördgünlük təlimin ilk iki günündə nəzəri biliklərin öyrədilməsinə üstünlük verilib.

DNİ-lərə AMADA-nın beynəlxalq antidopinq sistemində oynadağı mühüm rol, Ümumdünya Antidopinq Məcəlləsi, Antidopinq Qaydaları, Ümumdünya Antidopinq Agentliyinin beynəlxalq standartları, inspektorların məsuliyyəti, qadağan edilmiş maddələrin siyahısı, sidik və qan nümunələrinin toplanması prosesi barədə ətraflı məlumat verilib.

Həmçinin dopinq nəzarəti formasının düzgün doldurulması qaydası, test zamanı etik standartların və məxfiliyin qorunması barədə müzakirələr aparılıb. DNİ-lərə MODOC (Mobil Dopinq Nəzarəti) sistemi, sistemdə idmançılar barədə məlumatların idarə olunması, dopinq nəzarəti prosesi zamanı uyğunsuzluqlar, dil maneələri və xüsusi hallar zamanı bilməli olduqları vacib məqamlar diqqətə çatdırılıb.

Təlimin növbəti iki günündə isə nəzəri biliklər praktiki olaraq tətbiq edilib. DNİ-lər təlimçilərin nəzarəti altında müxtəlif ssenarilərdə dopinq nəzarəti formasının doldurulması və nümunə toplama sessiyalarına qatılıblar.

İştirakçılar təlim çərçivəsində ən qabaqcıl təcrübələri öyrənib, dopinq testləri üçün istifadə olunan ən son avadanlıq və üsullarla tanış olublar.

15 dopinq nəzarəti inspektorunun iştirak etdiyi təlimdə hər günün sonunda qrup müzakirələri aparılıb, onları maraqlandıran suallar cavablandırılıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”