Azərbaycan və Tacikistan milli komandaları arasında keçiriləcək yoldaşlıq oyunu öncəsi mətbuat konfransları və açıq məşqlərin vaxtı açıqlanıb.

Apasport.az xəbər verir ki, sentyabrın 23-də 8-ci km stadionunda keçiriləcək qarşılaşmadan bir gün əvvəl – sentyabrın 22-də hər iki komandanın media üçün tədbirləri baş tutacaq.

Tacikistan millisinin mətbuat konfransı saat 17:15-də, komandanın mətbuat üçün açıq məşqi isə saat 18:00-da başlayacaq. Məşqin ilk 15 dəqiqəsi media nümayəndələri üçün açıq olacaq.

Azərbaycan millisinin mətbuat konfransı saat 19:15-də, yığmanın açıq məşqi isə saat 20:00-da keçiriləcək. Bu məşqin də ilk 15 dəqiqəsi mətbuat nümayəndələri üçün açıq olacaq.

Qeyd edək ki, hər iki komandanın mətbuat konfransı və açıq məşqi 8-ci km stadionunda təşkil olunacaq.

• “Qəbələ”nin legioneri “Gəncəbasar”da
• “Karvan-Yevlax”dan inamlı qələbə
• “Sumqayıt”ın yeni kapitanı açıqlanıb
• “Kəpəz”in cərimələnməsinə səbəb olan azarkeş məsuliyyətə cəlb olunub
• Azərbaycan – Tacikistan oyununun hakimləri müəyyənləşib