Azərbaycan I Liqasında iştirak edən "İrəvan" AFFA-nın bayrağı altında keçirilən bütün yarışlardan uzaqlaşdırılıb.

Apasport.az xəbər verir ki, bunu qurumun icraçı-vitse prezidenti Sərxan Hacıyev İcraiyyə Komitəsinin bugünkü iclasından sonra açıqlamasında bildirib.

Qurum rəsmisi bunu belə izah edib:

"İcraiyyə Komitəsinin qərarına əsasən, "İrəvan" komandası AFFA-nın bayrağı altında keçirilən bütün yarışlardan kənarlaşdırılıb. Əsas səbəblər qeyri-sabitlik və maliyyə, həmçinin danışılmış oyunlarla bağlı olan ciddi problemlərdir. Bir neçə ay öncə "İrəvan" klubunun 8 futbolçusunun danışılmış oyunlarla əlaqədar adları çəkilmişdi. Bu cür ciddi neqativ hallar nəzərə alınaraq belə qərar qəbul olundu. "İrəvan"ı hansı komandanın əvəzləyəcəyi ilə bağlı Peşəkar Futbol Liqası ilə danışıqlar aparılacaq və ictimaiyyətə açıqlama veriləcək".

Qeyd edək ki, "İrəvan" klubu ötən 27 xalla turnir cədvəlinin 7-ci pilləsində bitirib.
 

• "Zirə"nin və millinin çalışdırıcısı: "Əsas məsələ Azərbaycanı xarici ölkələrdə yaxşı təmsil etməkdir"
• Millimizin Haiti və Belarusla oyunlarının təyinatları açıqlanıb
• Bu gün Bakıda keçiriləcək dünya çempionatının püşkü atılacaq
• "Baku Sportinq" "İmişli"yə qarşı - YENİLƏNİR
• Millimiz Avropa çempionatının II seçmə mərhələsində ilk matçına çıxacaq