Azərbaycanın kişi boksçulardan ibarət yığması Bolqarıstana yollanıb.

Apasport.az xəbər verir ki, bunu Azərbaycan Boks Federasiyasının mətbuat xidməti açıqlayıb.

Baş məşqçi Pedro Roke və məşqçi Nəriman Abdullayev rəhbərliyi altında yığmanın 4 idmançısı Sofiyada təlim-məşq toplanışına qatılacaq. Hazırlıqda Ümid Rüstəmov (57 kq), Malik Həsənov (63,5 kq), Nəbi İsgəndərov (67 kq) və Alfonso Dominqes (92 kq) iştirak edəcəklər.

Yığmamız Bolqarıstanda toplanışı ev sahibləri və Rumıniya milliləri ilə birgə keçəcək. Məşqlərdə sınaq döyüşlərinin keçirilməsi də nəzərdə tutulub.

Qeyd edək ki, oktyabrın 30-da start götürən hazırlıq noyabrın 10-dək davam edəcək.

• İdmançımız Avropa çempionatında tarixi nailiyyətə imza atıb
• Azərbaycan İdman Akademiyası beynəlxalq layihəyə qoşulub
• İdmançımız Türkiyədə qızıl medal qazanıb
• AAF rəsmisi Avropa Ağırlıqqaldırma Federasiyasının Xüsusi Konqresində iştirak edib
• Ölkəmizi Avropa Gənclər Paralimpiya Oyunlarında təmsil edəcək idmançılar müəyyənləşib