Türkiyənin Antalya şəhərində keçirilən yeniyetmələr arasında Avropa Kuboku turnirinin ilk gününündə Azərbaycan cüdoçuları 4 qızıl, 2 gümüş və 6 bürünc medal qazanıb.

Apasport.az xəbər verir ki, bunu Azərbaycan Cüdo Federasiyasının mətbuat xidməti açıqlayıb. 

Oğlanlar arasında 50 kq. çəkidə Bahadır Feyzullayev və 55 kq. çəkidə Nihad Məmişov qızıl medal əldə ediblər. 55 kq. çəkidə Qüdrət Yusif, 60 kq. çəkidə Mirxaliq İskəndərov, 66 kq. çəkidə Ümüd Qurbanov və Kənan Sadıqov bürünc medala sahib olublar.

Qızlar arasında 40 kq. çəkidə Xədicə Abdullayeva və 52 kq. çəkidə Vüsalə Hacıyeva qızıl medal, 44 kq. çəkidə Leyla Ələkbərova və 52 kq. çəkidə Aysun Məmmədova gümüş medal, 44 kq. çəkidə Nərmin Məmmədli və 48 kq. çəkidə Diana Eldarova bürünc medal qazanıblar.

• Bakıda yanğınsöndürmə və xilasetmə üzrə dünya çempionatının açılış mərasimi keçirilib
• Azərbaycanlı qardaşlar Antalyada Mental Arifmetika Olimpiadasının qalibi olublar
• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək